القذافي مات
حسني في السجن
زين العابدين شرد
علي عبدالله صالح رحل
الإخوان أخذوا رئاسة مصر
سوريا فيها حرب أهلية
الامير نايف مات الله يرحمه
الشيعه سوو مظاهرات في البحرين
وسوو مظاهرات في السعودية
روسيا تهدد مجلس الأمن
مجلس الأمن يطالب بشار بالرحيل
إيران تهدد الخليج
السعودية تهدد إيران
أمريكا تهدد روسيا
وعمان ولا كأنها موجوده في العالم
ماخذين لهم زاوية بالكورة الارضية
ومقضينها سحر ومعلاية ومهرقان مسقط وصلاله
وكرة طائرة وماغير أكل في هالسندويكات
ههههههههه عجبتني منهم سندويكات
أخواني العمانيين
جد والله اشفيكيم ؟!!
لية ماتسولفون ؟
ليه ماتسافرون ؟
ليه ماتصرحون ؟
ليش كلكم على الصامت ؟
مايصيير شعب خليجي وعددكم أكثر من :
عدد الشعب الكويتي + الشعب القطري + الشعب الاماراتي + الشعب البحريني =
ولا نعرفكم
ياأخوان شاركونا الحياة
شووفوا القطريين كلهم كم واحد بس ياكثرهم في كل مكان يسافرون
وحكومتهم مسوية روسيا العرب !
شوفوا السعوديين .. منتشرين ماتروحون مكان إلا قبلكم . مثل البيبسي ! وكل شي
صاير سعودي ..
والكويتيين أنواع المسلسلات والبرامج والمسرحيات مسوين
زحمة بالدنيا تحس عدد شعبهم 45 مليون !
والبحرينيين أخبارهم ترس الجرائد والقنوات الاخبارية اكشن في اكشن
مايصير أعزائي العمانيين عددكم 6 مليون ومانعرف منكم إلا السلطان
قابوس وفخريه خميس !!
لا وقابوس الله يهديه بعد مايسولف
ودنا نتعرف عليكم صراحه .!
انا انا لحالي مسوي ضجه ورجه في جميع انحاء المملكة ؟؟ خخخ